Category: ഗണിതം

ഈ ലേഖനത്തിൽ നമ്മൾ ഒരേ ഡാറ്റ വ്യത്യസ്ത Y- ആക്സിസ് സ്കെയിലുകളിൽ ചിത്രീകരിച്ച്, ഓരോ സ്കെയിലും ദൃശ്യവൽകൃതമായ വിവരങ്ങളുടെ ഊന്നലും അർത്ഥവും എങ്ങനെ മാറ്റുന്നു എന്നു നോക്കുകയും അതുവഴി ശ്രദ്ധാപൂർവം സ്കെയിൽ തെരഞ്ഞെടുക്കേണ്ടതിന്റെ പ്രാധാന്യം ഉയർത്തിക്കാട്ടുകയും ചെയ്യുന്നു.

ഗ്രാഫിക്കൽ ചിത്രങ്ങൾക്ക്  അറിവുപകരാൻ കഴിയുന്നത്രതന്നെ തെറ്റിദ്ധരിപ്പിക്കാനുള്ള കഴിവുമുണ്ട്. ഇത്തരം ഗ്രാഫിക് ചിത്രങ്ങൾ വഴി വായനക്കാരെ വഴിതെറ്റിക്കാനും അതുവഴി ചിലരുടെ നിശ്ചിത അജണ്ടയ്ക്കനുസൃതമായ നിഗമനങ്ങളിലേക്ക് അവരെ എത്തിക്കാനും ഇതു ബോധപൂർവ്വമായി ഉപയോഗിക്കാം.

വിവരങ്ങളുടെ ദൃശ്യാവിഷ്കാരങ്ങൾ ദൈനംദിന ജീവിതത്തിന്റെ ഭാഗമായിത്തീർന്നിരിക്കുന്നു. അവ നിലവിലില്ലാതിരുന്ന ഒരു കാലഘട്ടം സങ്കൽപിക്കാൻ നമുക്കിന്ന് പ്രയാസമാണ്. എന്നാൽ, ബാർ ചാർട്ടുകൾ, ലൈൻ ഗ്രാഫുകൾ, പൈ ചാർട്ടുകൾ പോലുള്ളവ നിലവിൽ വന്നിട്ട് 3 നൂറ്റാണ്ടു പോലും  ആയിട്ടില്ല. അതുവരെയും വിവരങ്ങൾ അവതരിപ്പിക്കാൻ പട്ടികകളായിരുന്നു ഏറ്റവും സാധാരണയായി ഉപയോഗിച്ചിരുന്നത്.