മുഖചിത്രം – പാക്കറ്റ് 5

ചെമ്മുള്ളി

അമേരിക്കൻ മധ്യരേഖാവാസിയായതും ഇപ്പോൾ ലോകം മുഴുവൻ കണ്ടുവരുന്നതുമായ ഒരു കുറ്റിച്ചെടിയാണ് ചെമ്മുള്ളി. (ശാസ്ത്രീയനാമം: Asclepias curassavica). സുന്ദരമായ പൂക്കളുണ്ടാകുന്ന ഈ ചെടിയുടെ ഇലകളിൽ നീലക്കടുവ, എരിക്കുതപ്പി, വരയൻ കടുവ എന്നീ ശലഭങ്ങൾ മുട്ടയിട്ട് വളരാറുണ്ട്. ഒരു മീറ്ററോളം ഉയരം വയ്ക്കുന്ന ബഹുവർഷിയായ ഒരു കുറ്റിച്ചെടിയാണിത്. തണ്ടുപൊട്ടിക്കുമ്പോൾ ഊറിവരുന്ന വിഷമയമുള്ള കറ കണ്ണിനു കേടുവരുത്താൻ ഇടയുണ്ട്. അപ്പൂപ്പന്താടി പോലെ പറക്കുന്ന വിത്തുകളാണ് ഈ ചെടിയുടേത്. ഒരു അലങ്കാരച്ചെടിയായി ഉദ്യാനങ്ങളിൽ നട്ടുപിടിപ്പിക്കാറുണ്ട്.

---

---